44 – օրյա պատերազմում վիրավորված զինվորների երկրորդ խումբը ժամանել է Իսրայել: Հայկական պատվիրակությունը ղեկավարում է ՀՀ Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
Սեպտեմբերի 7-ին Երուսաղեմի հայ պատրիարք Ամեն. Տ. Նուրհան արք. Մանուկյանը ընդունել էր Սուրբ Երկիր այցելած Արցախի 44-օրյա պատերազմում վիրավորված զինվորների երկրորդ խմբին և պարոն Քոչարյանին ու նրանց ուղեկցող պաշտոնատար անձանց:
Սեպտեմբերի 8-ին մեր հերոս հայորդիները պատվիրակության անդամների հետ այցելել էին Բեթղեհեմի Ս. Ծննդյան տաճարի հայական եկեղեցի և շրջակա սրբավայրերը:
Շաբաթ օրը՝ սեպտեմբերի 10 – ին Սուրբ Նիկողայոս վանքում մեր հայ հերոսները մասնակցեցին մատուցված Սուրբ պատարագին ու հանդիպում տեղի ունեցավ Յաֆոյի, երկրի կենտրոնի ու Հայֆայի հայկական համայնքների ներկայացուցիչների հետ:
