Հոկտեմբերի 30 –ին ՀՀ Սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնում տեղի ունեցավ երկրորդ հանդիպումն՝ Իսրայելից Հայաստան տեղափոխված ընտանիքների հետ։ Նրանց տրամադրվել էր խորհրդատվություն, արձանագրվել էին ընտանիքների դիտարկումներն և առաջարկները։ ՀՀ Սփյուռքի գործերի գլխավոր հանձնակատարի գրասենյակի Հայրենադարձության գծով պատասխանատու, Հայրենադարձության և ինտեգրման կենտրոնի աշխատանքների պատասխանատու պարոն Հովհաննես Ալեքսանյանը հետանդիպել էր Իսրայելի հյուսիսից ու կենտրոնից տարհանված 4 ընտանիքների հետ:
Մինչ հայրենադարձ ծնողները կենտրոնի աշխատակիցների հետ քննարկումներ էին ունենում, նրանց երեխաները կենտրոնի կրթական ու ստեղծագործական զարգացման անկյունում անցկացնում էին իրենց ազատ ժամանակը:
Կենտրոնի կրթական ու ստեղծագործական զարգացման անկյունը ստեղծվել էր վերջերս հաշվի առնելով նաև Իսրայելից տարհանված ընտանիքների խնդրանքը:
Երևանում բնակվող հայրենադարձ ընտանիքների երեխաներն անվճար հիմունքներով կարող են այցելել կենտրոն և ազատ շփվել ոչ միայն Իսրայելից, այլև այլ երկրներից ժամանած երեխաների հետ:
Հիշեցնենք, որ հոկտեմբերի 9-ին Պետախ Տիկվայի Իսրայելահայերի «Նաիրի» միությունը ստեղծել է տեղեկատվական և հայերին աջակցության շտաբ:
Հայաստանից արդեն շատ մեր տարհանված քաղաքացիներ ու հատկապես հայերին օգնելու ցանկություն ունեցող Իսրայելահայեր մեր շտաբին դիմեցին՝ ՀՀ կառավարության Սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոնի հետ կապ հաստատելու խնդրանքով: «Նաիրի» միության օպերատիվ շտաբի օգնությամբ հոկտեմբերի 18 – ին տեղի ունեցավ առաջին հանդիպումը Խանյան ընտանիքի և գրասենյակի աշխատակիցների ու աշխատանքների պատասխանատու պարոն Ալեքսանյանի հետ՝ Իսրայելահայերին Հայրենիքում արդեն աջակցելու, նրանց զբաղվածության, սոցիալական ու այլ առաջնահերթ հիմնախնդիրների լուծման համար:
Պետախ Տիկվայի Իսրայելահայերի «Նաիրի» միության տեղեկատվական ու մեր հայրենակիցներին աջակցելու օպերատիվ շտաբը շարունակում է իր աշխատանքներն Իսրայելում:
Բոլոր այն քաղաքացիներն, ովքեր ունեն օգնության կարիք, խնդրում ենք դիմել Պետախ Տիկվայի Իսրայելահայերի «Նաիրի» միությանը:
Աստված մեզ պահապան
Հեռախոսահամարներ՝
054-808-27-35
050-716-45-57
052-336-47-74
Աղբյուրներ՝ ՀՀ Սփյուռքի գործերի գլխավոր հանձնակատարի գրասենյակի Հայրենադարձության և ինտեգրման կենտրոն
ՀՀ Սփյուռքի գործերի գլխավոր հանձնակատարի գրասենյակի Հայրենադարձության գծով պատասխանատու, Հայրենադարձության և ինտեգրման կենտրոնի աշխատանքների պատասխանատու պարոն Հովհաննես Ալեքսանյանի ֆեյսբուքյան էջ:
